المتابعون

الأربعاء، ديسمبر 21، 2005

الريس بيتفرج...والمفتي بيهبل


استوقفني خبرين في المصري اليوم
أولهما
أن الرئيس شاهد برنامج تلفزيوني وهو "الحقيقة" لمقدمه الصحفي وائل الابراشي على قناة دريم وأن الرئيس اتصل بالمقدم و و و و ... القضية رغم خطورتها لا تهمني الآن بل ما يهمني بحق هو أنني عرفت أن الرئيس زينا كده يشاهد تلفزيون ,, فقد كنت لا أتوقع ذلك إطلاقاً ... فهل لم يشاهد الرئيس مهازل يوم الاستفتاء أو بلطجية حزبه يوم الانتخابات أو لم يشاهد برنامج منى الشاذلي العاشرة مساءاً عن السرطان أو أو أو فالفقر والبطالة والفساد والبلطجة كلها موضوعات تملأ الشاشات فهل لم يشاهدها الرئيس

والخبر الثاني كان
سيادة المفتي بيبيح بيع الخمر في الخارج ... يعني قلنا هنخلص من شيخ الأزهر تتطلع لنا أنتا
وكده تبقه كملت
الخمر مباح بره
والزنا كمان مباح بره
والسرقة بالمرة
وبيع لحم الخنزير
بذمتك يا مفتي مسمعتش حديث رسول الله ((أجرأكم على الفتيا أجرأكم على النار

هناك 7 تعليقات:

غير معرف يقول...

واضح ان سيادة الرئيس مركب الوصلة جديد

اما بالنسبة للمفتى فحسبى الله و نعم الوكيل

غير معرف يقول...

إيه سابوا الأولى والتانية والتالتة لغاية التامنة والنيل وراحوا دريم .. صباح الخير ياأستاذ أنس الفقي .. وراحت الريادة الإعلامية والريس بتاعك بيتفرج على دريم

بكرة يتفرج على مزيكا وميلودى

غير معرف يقول...

مابقاش حاجة اسمها عندنا مفتى فية منفذ للتعلميات وبس فية اللى يبررررررررر سياسة الرئيس


حائر في دنيا الله

شكرا على المشاركة

وفقنا الله لما فية الخير

مع خالص تحياتى

غير معرف يقول...

hi i would to say that was very great

غير معرف يقول...

احب اصححلك معلوماتك يعم احمد
إن الريس مبيتفرجش على الاولي واخواتها عشان مش فاضي من ميلودي لمزيكا لام تي في
ربنا يديله الصحة

وسلامك وصل للفقي

غير معرف يقول...

يعني إيه اباح بيع الخمر في الخارج ؟!!!
مش فاهمة بجد

غير معرف يقول...

معلش يا طعممة لو كنت اتاخرت عليكي في الرد
بس ظروف الامتحانات
شوفي يا ستي
المفتي بتاعنا
اتبعتله رسالة فيها سؤال عن عيلة غنية وفاتحة مطعم في اوربا فهل من يجوز لها تبيع خمر هنا...وخاصة انهم مقتدرين ومش هتفق معاهم كتير الحكاية دي
فالمفتي اباح
ووافق على كده