المتابعون

الخميس، ديسمبر 01، 2005

يافتاح يا عليم..دا حنا لسه الصبح

أعرف أن الناس تقوم من نومها الصبح تغسل وتتوضي وتصلي وتروح شغلها
بس لأن النهاردة انتخابات فلازم يبقى يوم مش عادي
ليه
أول ما أصحى ألاقي عار عمال يتحدف عليا من كل حته ... عار عليك إذا لم تنتخب ابن بلدك..لدرجة والله إني حسيت إني في فيلم ليوسف شاهين
طب انا مش هنتخب ابن بلدي,, العار دا بقة أشيله ببرسيل ولا بتايد
أول لجنة أشوفها ألاقيها صف صغير واقف عايز يدخل وكلهم رجالة كبيرة لابسين جلاليب وقدامهم صف كبير لابس ميري ومكتوب عليه شرطة
قلت فعلا الشرطة في خدمة الشعب
روحت المنصورة لاقيت الشرطة اللي هي في خدمة الشعب لغت خط سرفيس عشان هيعدي على لجنة عايزين يقفلوها
خدت مواصلة تانية ونزلت رحت في نفس الطريق لقيت أمم واقفة مش عارفة تخش تنتخب وقدامها الشرطة اللي في خدمة الشعب بتتراجهم يدخلوا
ناس رخمة بقة
هو إيه اللي خلاه برطمان ..قالك من كتر الحزب الوطني ما خلل فيه.. كلمة قريتها في صفحة قلمين للأستاذ بلال فضل

هناك 3 تعليقات:

طعمة يقول...

هو إيه اللي خلاه برطمان ..قالك من كتر الحزب الوطني ما خلل فيه

ههههههههههههههههههه

لأ حلوة بجد

بس المهم انتخبت ولا لسه ؟

حائر يقول...

لا يا طعمة ما انتخبتش ومعتقدش اني هروح
لأني أساسا مليش اسم في الكشوف
دا غير اني مش مقتنع بحد من اللي داخل دايرتنا
مش داخلين دماغي خالص

aboelwalid يقول...

العار دا مبيتشلش
والقطنة مبتكدبش
ههههههه