الثلاثاء، سبتمبر 27، 2005

من أولها ... محدش له دعوة بجدار بيتنا

وبدأت حملة الدعاية للانتخابات البرلمانية , أي شخص ليست له ميول سياسية ولا يعرف الفرق بين ألف انتخابات حرة وتاء التزوير سيعرف ذلك على الفور من الانتشار المكثف والرهيب للصور واليافطات والجدران المدهونة بأسماء وعبارات وشعارات
لذلك أهيب بكل السادة المرشحين من هنا - لأني طبعاً لن أراكم- لذلك أهيب بكم الابتعاد عن جدران بيوتنا
وكفاية
تشويه واساة لمناظر شوراعنا وبيوتنا أكثر مما هي

الاثنين، سبتمبر 26، 2005

مبروك للنادي الأستك

فاز الأهلي على الزمالك أمس
نعم
ويستحق الفوز نعم
ولكن لا نريد أحد ان يتغني بقيم ولا بمبادئ الأهلي التي ماتت بالفعل
إن كانت حية أصلاً
فبدون عماد المسجل خطر الآن... كان سيفوز الأهلي بمبادئه
وباحترام كل عشاقه في كل مكان
والآن فاز الأهلي على الزمالك
وكسب مبارة
ولكن خسر صفة
آخر أندية المحترمين

الخميس، سبتمبر 22، 2005

لا شيء لدينا نخسره

لا شـَـيْءَ لـــي في جــُعــْبــَتــِــــــي
كـَـــــيْ أخـْســَـــــرَه ْ...
في وَطــَن ٍ غــَدَا لــَنــَـا حـَظِـيـرَة ً مـُسـَـوَّره ْ...!!؟
نحَــْنُ الـقــَـطـِـيــع ُ قـَدْ فـَرَرْنــَا عـُمـْـرَنـــَا مِن ْ قــَســْوَرَه
ْ!ذِهـْـني تــَخــَثـــَّــرَتْ بــِـــهِ حـَقــَائــِــــقٌ مـُـدَمــِّــره ْ ...؟
كـَـرَامـَـتــِــــــي ؟؟؟
خـَـلـــْـــــفَ الـرَّغِـيــــــفِ أُهــْــــدِرَتْ ...؟
و صِــحــَّـتـِــــــي ...؟
مـَـــعَ الــشـَّــقـــَــــاءِ مـُهــْــــدَرَه ْ...
و صـَاحــِـــــبُ الـسُّـمــُـــــوِّ في عـَـلـــْيــَائــِـــــهِ ...
و الـصَّـوْلــَجــَــــانُ زَادَ ألـــْـــــفَ جـَـوْهــَــــرَه ْ...؟

الأربعاء، سبتمبر 21، 2005

اشاعة الريس وشيخ الازهر


بما إننا بلد إشاعات فلازم تعرفوا الإشاعة دي
بيقولوا إن الريس بتاعنا راح لشيخ الأزهر وقاله يمولانا انت عارف اني مليان ذنوب وبلاوي
وسرقة وحاجات تملي مجلدات وهضحك عليك لو قلتلك هتوب بس المشكلة
اللي مضيقاني اني مبحبش اكدب علي شعبي وانت عارف انه بعد كم يوم هروح احلف اليمين
وانت ايه رايك اعمل ايه دلوقتي

رد شيخ الأزهر ببلاهة صوم 3 أيام سعادتك
=========
يعني يجماعة مش عايزين حد يضايق الريس ولا يستفزه ولا يقوله كلمة مش كويسة
فالراجل يبقى صايم ومش مستحمل ومش عايزينه يخرج عن شعوره لو سمحتم عشان بس يعرف يرجع لنا
مجبور الخاطر ويكمل المسيرة ويانا

الاثنين، سبتمبر 12، 2005

مبروك يا ريس




.
.

[qb]
اكتب النص هنا
[/qb]



ألف مبروك يا ريس والله ومن كل قلبي فرحتلك أوي .... مكنتش خايف إلا من ابن الذين أحمد الصباحي ليخطف الكرسي منك وبعدين تبقى مصيبة دستورية لأن الرجل زيي بيحبك ومش عايزغيرك على الكرسي .....ن
مبروك ياريس مش عشاني بس والله لأ عشان السبعين مليون اللي بيحبوك والستة اللي مليون اللي انتخبوك ومتزعلش ياريس من الكم ألف اللي ادوا صوتهم للعملا والمخربين والحراميين الوحشين ...ن
ياريس مصر عيزاك هناك ييجي عشرين كوبري عايزين نفتحهم أو حتى نفتحهم تاني (المهم نشوفك) ن
وهناك ييجي كم محطة مجاري والبركة برضة في خيراتك اللي مغرقانا واللي بناكلها من توشكى ليل ونهار عشان كده محطات المجاري مش ملاحقة علينا
مبروك ياريس ..عشان تبيعلنا الكام مصنع اللي باقيين من مصانع الدولة حاكم ياريس احنا مينفعناش اشتراكية احنا بلد رأسمالي وطني استهبالي استعباطي استسراقي .... وبرضة اللي تقول عليه هوا اللي احنا نكونه
مبروك ياريس ...وخصوصا اني سمعت ان فيه أزمة في المعتقلات بعضها قل فيه العدد عشان رجالتلك اضطروا يفرجوا عن شوية اخوانجية عشان يتلموا ايام الانتخابات ... بس انت برضة ياريس راجع ومش هتسيب العيال دي غير وانت مرجعهم تاني هناك .....ن
مبروك ياريس... عشان زهقنا من الحياد الاعلامي بتاع القناة الأولي ووحشتنا مقالات سمير بيه رجب اللي كان ماسك نفسه علي الآخر عشان محدش يقول عليه منحاز مع أن الموضوع مش محتاج انحياز دا الحكاية ان دي حالة حب ومن كتره طفح ...
مبروك ياريس مش عشاني لأ عشان احنا شعب يستاهل اللي يجراله

الأربعاء، سبتمبر 07، 2005

عودة من نفس المكان


ماهيش عودة ولا حاجة لاهم لابدين فيها لحد ماروحنا تطلع
إذن الأندال عادوا
ولو تغيرت بعض الوجوه من وقت لآخر

الثلاثاء، سبتمبر 06، 2005

وعجبي

جيتلك يا قاضي عشان تقاضي بيني وبين الماضي
لقيتيك يا قاضي عايز تتقاضي
وكنت بحسب إنك قاضي قاضي ؛ بس انت طلعت قاضي في الفاضي
وقلت انك هتنصفني من الماضي
لقيتيك يا قاضي تستحق تتقاضي
ولما اكون ابنك وتقف جنب الاعادي
وتكون انت الخصم وانت القاضي
وتكون انت وزماني ضدي قصادي
وبجد طلعت يا قاضي على الماضي ماضي
يبقى يا ريت تسمعني أحلى سلام في الفاضي