المتابعون

الثلاثاء، فبراير 28، 2006

مؤامرة فراخية بحتة

جمعية تنمية المجتمع في قريتنا الصغيرة قامت مشكورة بعمل ندوة عن إنفلونزا الطيور لتوعية أهالي القرية وهذا بالطبع شيء جميل وجيد ورائع يشكروا عليه
ولكن
عندما يقول دكتور من الحاضرين إن مفيش حاجة اسمها أنفلونزا الطيور ومصر بالتحديد مفيش فيها المرض وإن دي مؤامرة من أمريكا عشان تشتت إنتباهنا بخصوص قضية سب الرسول في الصحف الدنماركية وغيرها من الصحف وكمان عشان شركاتها تشتغل
ولأني بطبعي لا أستسغ نظرية المؤامرة فلم يدخل هذا الكلام رأسي ولا حتى بيضة فيها صداع
فيا سيدي دي مؤامرة من أمريكا علينا وكمان هتبقا مؤامرة من حكومتنا على أصحاب المزارع وعلى حاجة من الحاجات القليلة اللي بنصدرها زي الفراخ المجمدة والخسائر الفادحة اللي وصل لها الاقتصاد والناس
وقبل كل هذا فالأنفلونزا موجودة في دول كثيرة قبل ما الدنمارك تشتم الرسول
وبصراحة كده لو فيه مؤامرة مش هتبقه من أمريكا وإنما هتبه من الفراخ المجنونة عاملة علينا عيانة وبتعطس في الفاضية والمليانة عشان محدش ياكلها
بس على مين هاكلها يعني هاكلها

هناك 12 تعليقًا:

shady يقول...

تصدق فعلاً أنا حاسس إن الفراخ دى بتستعبط

غير معرف يقول...

سيبها تستعبط يعم انتا وهو ولا ما بتفرق معانا

حائر في دنيا الله يقول...

صح شادي فعلاً أنا برضه حسيت الإحساس دا
إن الفراخ هي اللي بتستعبط
بس زي ما قلت على مين
هتتاكل يعني هتتاكل

Tamer Nabil Moussa يقول...

كلام الناس كتير وبعدين كل حاجة وليها بداية والمرض دة موجود فى العالم كلة ازى تبقى مؤامرة كما انت تفضلت وقولت فية ناس من حبين التصاريح العنترية الغير مبنية على اساس والرجل دة منهم


عزيزى حائر عندى كود استطيل جديد للمدونة ومش عارف احطوا فين عشان اغير الشكل ممكن لو سمحت تقوللى


ربنا يوفقك والى الامام

حائر في دنيا الله يقول...

ها يعم تامر مع إني مفهتمش إنتا تقصد إيه
بس لو عندك كود جديد أو استايل جديد أو شكل عايز تضيفه
فدا بيتحط في
template
صفحة تمليت وبتحطة مطرح منتا عايز وقبلها بتعمل بريفيو أو عرض للمدونة قبل التطبيق عشان تتأكد من اللي إنتا عملته صح
ولو فيهحاجة أقدر أفيدك فيها ابعتلي على الاميل
سلام

Tamer Nabil Moussa يقول...

هلا عزيزى حائر

ايوة شكل واستطيل جديد مثل ما انت غيرت شكل مدونتك

template

فى اى مكان بها عزيزى حائر

حائر في دنيا الله يقول...

بص يا سيدي
إنتا لو عايز يحط أمر معين فدا بيبقه في المكان اللي قلتلك عليه
التمبليت
template
بس لو عايز تغير الشكل كله
في موقع
http://blogger-templates.blogspot.com/

ودا بتخش عليه وبتلاقي تصميمات مختلفة بتختار منها
وبتلعب فيها لو حبيت
وكمان الموقع بيقدم لنكات لمواقع تانية بتقدم نفس الخدمة

وعلى الفكرة التصميم دا كله اللي انتا شايفه جايلي هدية مش شطارة مني
بس لو عايز مساعدة انا وياك
سلام

Tamer Nabil Moussa يقول...

عزيزى حائر حاولت ولكن فشلت وراح كل شىء كنت مسجلة على المدونة من مدونات صديقة ومواقع والشات بوكس لم يفضل سوى المواضيع

toto2213@hotmail.com

ياريت تضفنى عشان اعرف ازى اغير شكل الموقع كلة قبل اضافة اى شىء عليها تانى

سلام

شريف محمد يقول...

ياراجل ..!!! هية الفراخ ساذجة انها تدعي العبط وتلقي بأيديها الى التهلكة؟! ... اعتقد ان الاستعباط الحقيقي في كلام الدكتور اللي بينسب الهوجة لمؤامرة تتسق أكثر مع البارانويا العربية المزمنة (همة عملوا؟ همة قالوا؟) .. بس كدة ولا كدة على رأيك .. الفراخ هاتتاكل هاتتاكل ..بالذوق , بالعافية , بالمايونيز .. لامفر
مدونتك جميلة ... الى الأمام يازعيم

حائر في دنيا الله يقول...

آه يعم تامر وقعت في الغلط
كان المفروض الأول تاخد نسخة من التمبليت الخاص بيك وتعينه في مكان امين
عموما حصل خير وانا ضيفتك ومستنيك
سلام

حائر في دنيا الله يقول...
أزال أحد مشرفي المدونة هذا التعليق.
حائر في دنيا الله يقول...

حلوة اوي يفهرنهايت
بالذوق بالعافبية بالمايونيز هتتاكل
عندك حق والله
شكرا على المجاملة والمشاركة
سلام