الخميس، فبراير 16، 2006

قرآن المياتم


أحب الشيخ عبد الباسط عبد الصمد جداً, وخاصة في تلك التلاوات النادرة التي تذيعها قناة المجد للقرآن
الكريم (جزا الله القائمين عليها كل خير) ه
وأنا أستمع لها ذات مرة جاءني صديق فسألني متعجباً
هوا فيه حد مات عندكم؟
فرددت مندهشاً ليه –بعد الشر-
فقال: أومال ليه مشغل القرآد ده؟
وبكل التعجب والاندهاش قلت: هو القرآن للميتين بس
فقال: يعني جرت العادة
قلت: معلش أصل العادة بطلت تجري عندنا, وقفت بس
========
وبعدها قلت في سري القرآن فعلاً للميتين بس, فقلما ضبطت نفسي أسمع القرآن أو أقرأه غير في المناسبات الحزينة وأعتقد أن الكثير مثلي.

هناك 7 تعليقات:

Ahmed Shokeir يقول...

عبد الباسط فعلا حاجة تانية .. تحس إن السما هي اللي بتقرأ

كمان بيعجني الحصري جدا لما أحاول أجيب المعني باحس ان بيفسر القران وهو بيقراه

مش بحب المقرئين السعوديين للأسف

حائر في دنيا الله يقول...

الظبط يعم أحمد
وياسلام على الشيخ المنشاوي
وكمان الشيخ البنا

ونا بصراحة منجاز للقراء المصريين
ودا مش تعصب بس هما فعلاً الأقوي والأجمل من أيام الشيخ محمد رفعت

بس الاستثناء الوحيد الشيخ مشاري راشد

IsLaM يقول...

لازم تفرق يا حائر بين حاجتين
الاولى حمال الصوت
التانية الاحساس
الحاجتين دول اجتمعوا عند القراء المصريين فقط
يعنى موش تعصب
اسمع الشيج البنا فى سورة التوبة فى ايه
"اتخشونهم فالله احق ان تخشوه"
حكايه فى قراءته
الايه اللى فيها فرح و بشرى صوته بيضحك
الحزن هكذا
الوعيد
يعلى وقت التعلية و يخفض وقت التخفيض

لما ينتقل من قصة لقصة النغمة او الطبقة بتختلف

التميز فعلا موش بيجى من فراغ

حائر في دنيا الله يقول...

الله ينور عليك يا إسلام
المهم في الموضوع الإحساس
لأن هوا دا اللي بيوصلنا
على فكرة فيه قارئ جديد بييجي على المجد
اسمه ياسر سلامة
دا الله يكرمه

حائر في دنيا الله يقول...

الله ينور عليك يا إسلام
المهم في الموضوع الإحساس
لأن هوا دا اللي بيوصلنا
على فكرة فيه قارئ جديد بييجي على المجد
اسمه ياسر سلامة
دا الله يكرمه

MriM يقول...

u r right !!

sab7an allah !!

غير معرف يقول...

الناس معدتش فاضية يحائر
للأسف