المتابعون

الاثنين، أبريل 17، 2006

الجواز هو الحل!




مع أنني لا أحب الحزب الوطني لا حكومةً ولا مجلساً ولا وزراءاً ولا حتى رئيساً...مع كل ذلك فإنني أتقدم إليهم بحل أعتقد أنهم به يستطيعون حل مشاكل مهمة لهذا الشعب التي زرعوها فيه ورعوها حتى صارت غابات من مشاكل الفساد والسرقات والرشاوى والمبيدات المسرطنة والاختلاسات والظلم والنفاق.........حتى صارت تريد جراداً من الحلول وليس مجرد حل واحد.. وبالحل الذي أقدمه يريحون أدمغتهم من صداع هذا الشعب ويتلخص هذا في أن توفر الدولة زيجة لكل شاب , فبمجرد أن يتزوج الشاب فسيغرق في مشاكله الخاصة وخاصة مع زوجته التي لن تدعه يرتاح لحظة واحدة ليحق لها جميع رغباتها ناهيك عن مشاكل عمله –هذا إن وجد- ومواصلاته والأطفال والحضانة ثم المدارس ومرض الأطفال الذي يتكلف كثيراً ولبن الأطفال الذي لن يجده غالباً, وأغلب الظن بعد كل هذا سيتم الطلاق فيغرق الزوج التعس في مشكلات النفقة وحضانة الطفل ومشاكل المحاكم هذا إن لم يكن هاجر وغادر البلاد بالفعل....

بالطبع أقصد أن تتحول الحكومة لخاطبة (ويا بخت من وفق راسين في الحلال) وستكون هي الكاسب الأكبر لو أقنعت الأزواج بالتعدد (وكل زواجة زيادة عليها هدية كارت موبايل) وبالطبع لا يجب على الحكومة أن تنسى أن تفهم الزوجات دورهم الحقيقي وهو جعل الزوج لا يخرج من دوامة البيت....

حزبنا العزيز من فضك زوج شباب هذا البلد وسوف ترتاح من زنهم ورزالتهم عليك فوقتها لن يجدوا وقتاً لا لتوريث البلد ولا لفساد مليون ولا لكم أساساً..

فكم يتكلف الزواج هذا الأيام (مجرد شقة أوضة وحمام ومطبخ وشبكة) قل يعني مائة وخمسين ألف جنيه أو ربع مليون قووول مليون فذلك ليس قطرة في بحر فساد بعض رجال الأعمال , فلتعطو كل شاب قرض يرده على عدة أعوام .. وبهذا صدقوني ترتاحون منهم وتواجهون الإخوان مقدمين شعاركم الجديد
الجواز هو الحل!

هناك 11 تعليقًا:

غير معرف يقول...

الى اخى وصديقى واخى العزيز حائر
شكرا على هذا الاقتراح الذى وجدت فى نفسى قبولا له وياريت يكون باسرع وقت ممكن ولك خالص تحياتى وحبى اخوك u.s.a

Ahmed Shokeir يقول...

هاها لأ فعلا حلوة

فكرك الجواز يعني بيلهي

ده اكتر اللي حاسيين بالمشاكل اللي بيعاني منها الناس هما المتجوزيين اللي مش قادرين يتولوا امور انفسهم ولا ازواجهم ولا اولادهم فيزيد نقمهم ع الحكومة وكمان هايلعنوا سلسفينها اكتر انها جوزتهم

إقتراحك خبيث .. شكلك كده عايز تولعها

حائر في دنيا الله يقول...

جرى ايه يعم أسامة
دنتا طفس أوي
انتا عايز الحكومة تاخذ فكرة عننا مش ولابد
طب استنا لحد ما يوافقوا على الكلام دا وبعدين انت اول واحد في الليست

غير معرف يقول...

يخربيت دماغك يا احمد

عموما حطني ورا اسامة على طول في القايمة بتاعتكم
ماشي

عبدالله مفتاح يقول...

والله هو انا هموت على الجواز بس حتى الجواز مش قاديرين نطوله زي منتا عارف

ام مليكة يقول...

كده برضه بقى الجواز كل الحاجات الوحشة دي طيب لو براء قرا المدون يعمل ايه وبعدين ليه التشاؤم ده ما هو كل الناس المحترمين المتزوجين لسه بيحبوا مصر وبرضه عايشين واضح انك مزنوق في جوازه عموما انا في الخدمة من غير حكومة ولا بتاع اصل الحكومة مابتدخلش في حاجة وتعمر ربنا يعميهم عننا

غير معرف يقول...

انا طفس الله يسامحك على العموم كنت ناوى اتجوز 4عشان اكسب الجايزة الكبرى
usama

حائر في دنيا الله يقول...

أهلا وائل
ماشي يعم لما الحكومة تمسكني الموضوع هحطك ورا أسامة

أزيك يا عبد الله
استحمل كده كده هتموت ..بجواز من غير جواز آخرتنا مش حلوة

حائر في دنيا الله يقول...

أهلا بنت بلد

شوفي انا مقلتش ان المتجوزين مش محترمين لا سمح الله ولا قلت انهم مش مهمومين بالبلد بالعكس دول أكثر ناس بيعانوا

ولو براء شرفنا وقرا المدونة هيعرف اد ايه معاناة المتجوزين وان احنا اللي مش متجوزين بنتعاطف معاهم والله وبندعيلهم جداً

ومن ناحية أنا مزنوق في جوازة فدا لا خالص أنا مزنوق في الكلية بس

Tamer Nabil Moussa يقول...

هايل عزيزى حائر تصدق فكرة عشرة على عشرة ومش هتكلف الحكومة غير شوية فكة بالنسبة للمال المنهوب واللى بيتنهب كل ثانية


بس هقولك حاجة هيا بقى لهينا بالتفكير فى لقمة العيش والجواز يعنى هتقول لو جوزنا الشباب هيرتاح ويستقر وهيقلب دماغنا

ياعينى هتفشل الفكرة

دى الحكومة اسالنى انا عليها

غير معرف يقول...

أخي حائر .. فكره جميله

وبما إننا حبايب ومصر بلد الكوسه
ولا تكفيها طماطم العالم لطبخها

فاطالب بوضعي اول القائمه .. قدره بقي ... !!!

ماشي ؟؟


بس على فكره .. ماما سوزان هاتروح فين هيا وشلتها شلة تعهير المرأه ؟؟

أكيد هاتطلع بلاويها في جوزها
(وجه خبيث ) .
ولما تطلع بلاويها عليه .. انتا عارف هاينفس على مين
اكيد احنا ياحلو

يعني الحل عاوز مراجعه
ولكن انا عاوز اتجوز وعلشان كده انا موافق

وياويلهم من الجيل التاني
لما يكون كل واحد عنده 17 18 عيل كده
هههههههههههههه ويعارضوا الحكومه
او على الاقل يطالبوا بالجواز

ويا داهيه دقي
ههههههههه

السلام عليكم
أبو الوليد