الاثنين، أكتوبر 31، 2005

بلاحدووود

بالأمس وأنا أتابع قناة الجزيرة وجدت إعلان عن برنامج بلا حدود
برنامج إيه ؟! بلا حدود
وجدت البرنامج ها يستضيف كمال الشاذلي
مين؟! كمال الشاذلي
نقول من جديد
إنبارح لقيت قناة الجزيرة بتعلن إن برنامج بلا حدود ها يستضيف كمال الشاذلي
نقول آخر مرة عشان اللي لابسين نضارات ونسوها
قناة الجزيرة ...اللي كان بينها وبين الحكومة مشاكل
بلا حدود ... اللي يا ما هرا الحزب الوطنى شتيمة
المذيع أحمد منصور... الإخواني الجامد أوي اللي حكومة الحزب الوطني مطلعة عينيهم
الأخ الوزير كمال الشاذلي.. أكبر حرامي فيكي يا مصر
طب أقول كمان مرة عشان الاغبيا اللي زي حالاتي
طب والله منا قايل
بس نحاول نفهم
ايه لم الشامي على المغربي؟
مصالح
وإيه نوعية المصالح دي؟
إخوان..انتخابات...تربيطات...خفوا مظاهرات....سيب ونا اسيب....سجون واعتقالات
طب بس دا كمال الشاذلي ..يعني واشعة شوية
مش واسعة شوية دي واسعة حبتين
طب بذمتكم أحمد منصور هيسأل يقول إيه
أصله حاجة من اتنين يا كمال بيه اشترى أحمد منصور ودي واسعة
يا إما كمال بيه اشترى نفسه ودي واسعة برضة وإن كان يعملها
عموماً المية تكدب الغطاس ويوم البرنامج هنشوف

هناك تعليقان (2):

مرسي يقول...

إنتا بتتلكم جد
يا حائر
أسوأ شيءإن سلطةفاسدة تتحالف مع الإعلام

ربنا يستر

شريف المصري يقول...

ههههههه كمال الشاذلي خاف و هرب من المقابلة