الاثنين، يناير 16، 2006

كلمات متقاطعة

من طقوس يوم الجمعة ان ياتيني الاهرام ( العدد الاسبوعي ) رغم انني لست من محبي متابعة الجرائد والمجلات القومية بل ومن مقاطعيها ............... المهم سالني اخي وهو يقوم بحل الكلمات المتقاطعة ما هو اسم رئيس جنوب افريقيا ؟ اخبرتة .

والله مش عارف يامحمد فرد شخص اخر دا طبعا نيلسون مانديلا قلت له لا طبعا مانديلا ترك الرئاسة لرئيس بعده
فاندهش الرجل اشد الاندهاش وقال "ياعم دا مانديلا عمل حاجات كتير اوي هناك في جنوب افريقيا وحاجات كتيرة كدا متتعوضشي ...... يعني صعب يسيب الحكم "
قلت له لا مش صعب ولا حاجة ....... الرجل صحيح من عظماء المحررين في العالم ولكنة بكل بساطة ترك الكرسي لمن يستطيع ان يؤدي الدور افضل منه
واكملت والدهشة علي وجه الرجل كانه متعجبا من وجود شخص كهذا هناك في جنوب افريقيا ومثيلاتها من الدول المتحضرة المتقدمة الرئيس يترك منصبه لمن هو افضل منه
قال حتي لو كان نيلسون مانديلا قلت ... ايوا لو كان مانديلا .... حتي عشان كدا الناس بتحبه هناك ...... لا لحق يسرق ولا يبوظ انجازاته في البلاد ... مش زي العباقرة اللي بيحكمونا طول عمرهم لغاية مايموتوا ويفضلوا كابسين علي نفسنا
الرجل قال لي ...... بس بس انت هتودينا في داهية ... ملناش دعوة ياعم
قلت له مجاريا .... صحيح ملناش دعوة هي دي بلدنا ؟ اياكش تولع ولا حتي يورثوها لبعض قال اية البلد بلد ايونا والاغراب بيحكمونا

ميحكمشي
سلام ياعم وسلام يامحمد ....وبلاها دي كلمات متقاعة هتودي الناس في داهية

هناك تعليقان (2):

يحي مجاهد يقول...

اول مره اجي هنا؟؟

حائر يقول...

تنور يعم يحيى
واحب اعرف رايك