منذ فترة والضغوط تتزايد على حكامنا سواء من الداخل أو من الخارج .. وكل له مأربه وهدفه الخاص به ... والحكومة في حيرة من أمرها وخاصة مع ضغط الدخل (فالمعروف أن حكومتنا الموقرة لا تتحمل للحظة أن تؤخر ربع طلب للست كوندي ) ... لذا فلو أن الحكومة استجابت ولو قليلاً لضغط المعارضة في الداخل فقد يعني هذا الكثير وخاصة أننا كمصريين طماعين (وعينا ميملهاش غير التراب) لذا توصلت حكومتنا ومنذ فترة لحل وسط يرضي جميع الأطراف
المعارضة تأخذ كامل الحريات للمناقشة والحوار والنقد وتبادل وجهات النظر والحكومة الموقرة لها ديكتاتورية اتخاذالقرار يعني (من حقنا نتلكم ومن حق الحكومة تعمل اللي هيا عيزاه)
صيغة عجيبة وغريبة تتطبقها الحكومة بكامل الحرفية والمهارة ومنذ فترة
الناس تقول لأ مش عايزين تطبيع مع اسرائيل والحكومة تطبع وتوقع اتفاقيات سلام وتبعت سفرا وتوقع الكويز وتبعت غاز لمدة 15 سنة ولسه
الشعب يطلع في مظاهرات عشان منشاركش في الحرب ضد شعب العراق والحكومة تفتح قناة السويس ومجالها الجوي ومستعدة أنها تدرب عناصر الشرطة العراقية وكمان تبعت سفير اتدبح ولسه
الشعب بيكره يوسف والي والشاذلي وسمير رجب وسرور ويوسف غالي والشريف والحكومة سيباهم واحد سرطن الشعب والتاني كل الشعب في كرشه والتالت حنفية نفاق ومفتوحة على الآخر حتى بعد ساب جرنان اللي أبوه سابهوله وواحد ترزي قوانين أد الدنيا وواحد جاب اقتصادنا لورا وواحد قضى على أسطور الريادة الإعلامية وواحد فاكرين إن دي بلد أبوهم عايزين يسلموها له يداً بيد خوفاً من الطامعين
الشعب يقول ياريس خلي العادلي يخف إيده من علينا وياخد باله من اللي بيفجر في البلد والريس يقول لأ اضرب يعادلي في الشعب يخاف الإرهابيين
الشعب يقول ويقول والحكومة ودن من زرنيخ والتانية مقطوعة (عليكوا فين؟؟؟؟؟؟)
هناك تعليق واحد:
ياأخ حائر..أوقات كتير بحس ان حكومتنا دى بتحكم شعب تاني ..وساعات تانية بحس ان كلنا مجانين في بعض ..وفي الأول والآخر محدش عارف حاجة
إرسال تعليق